bozza

Bozza di amore contro consumo

Divintò difficili cantari cu l'amuri,

di li casi e dilli villi oggi scurdati,

dilla petra dura a menzu 'o mari,

dilli belli stradi svacantati.

Difficili, quanno u paisi chi 'nta facci la petra talìa

stu amuri scorda e non poti dari;

quannu u mali d'u munnu dintr'all'occhi ci passìa;

quannu i so figghi scappunu p'u duluri.

E stu dululuri chi c'entra? D'unni veni?

U duluri d'un paiseddu chi bacia u mari e non u canusci;

non sapiri teniri 'nte mani chiddu chi la storia teni.

'Nchucciati arreri 'o scogghiu, la stissa storia ni tradisci.

E' l'aviri pirdutu, stu nostru munnu,

a 'ncodda chi nni taccava c'a riina

l'amuri chi nni 'gnunceva 'nto funnu

a casa chi tutti ni 'vvicina.

Macari a Patti si consumunu li viti

d'i figghi e d'i niputi dill'ommu

chi canuscìu la cannila e l'antichi riti:

lu scuro quanno era scuro, la luci quanno era jornu.

Macari a Patti 'rriva u bisognu

di non essiri chiù 'na cosa dura,

di non scriviri appresso, ma canciari fogghiu,

di tramurati facci ogni jornu e ura.

E ni scantammu, macari a Patti,

di non sapiri ripigghiari 'u chatu,

di non canusciri ciuri belli e aranci fatti,

di camminari comu n'u sciancatu.

Sciancati semmu; e quasi tutti pi cammora:

picchì i turmenti chi iemmu cantannu

tinciunu l'occhi e u cori non sulu di fora;

puru si tutti pari ancora caminammu.

U mali non è quannu canciunu li cosi

ma quannu l'amuri chiù non si bivìra;

quannu, prima di nasciri, 'nto cori siccunu li rosi;

quannu nenti si sarba e spasciari ni ricria.

Pàrtiri ni tocca pì putiri campari:

curriri a circari a felicità arreri e avanti,

travagghiu unni si pò travagghiari

e i bisogni novi sempri chiù 'mpurtanti.

Ma sta felicità, spissu mi dumannu,

è fatta cu li mani nostri tutti 'nzemi,

oppuri ièni u giocu unni tutti suspirammu

p' un sistema chi non ni cunveni?

Non lu sapemmu; e nun putemmu stari fermi.

A vita divintò un sulu mumentu chinu di tuttu

unni diciunu chi macari la petra faci i vermi;

non è jornu e non è notti, e u purtuni è sempri ruttu.

Ma si tutti consumunu la nova vita,

l'amuri fossi scappa, ma non si pò consumari:

ca sempre c'è u bisugnu d' 'a catina, dilla zita;

di 'mpuiari u cori alla petra ammenzu 'o mari.

'Mpuiatilu, stu cori, supra d'u ricordu d' 'a pignata e dill'orti;

supra d'i viscuvi, d'i mercanti e supra d'a regina;

supra d' i guerri, d'i paci e supra d'i nostri morti:

'mbrazzativi, e miscativi cu sta acqua e sta farina.

Dintra la storia chi non scappa l'amuri truviriti:

pò nasciri sulu firmannusi a capiri e facennu sacrifici;

costruennu, stancannusi 'nzemi, e 'nzemi avennu siti;

non pinsannu u chiù cuntentu cu nun pensa li radici.

Tutti i ciuri hannu radici, macari pigghiati du mali.

Ma si sta città, tra centu anni, sarà dilli ruvi a megghiu spina

lu scogghiu, la terra e li stradi sarannu allura dill'animali;

mentri l'ommini, consumati, tramutirannu 'n purbiri fina fina.

E si la forma nova d'u munnu ieni purbiri a svulari 'nto ventu

jo mi tegnu taccantu strittu cu la terra:

mi ricurdu unni misi li primi pedi e curria cuntentu,

sciancatu pì l'amuri; e non pì stu munnu, e non pì sta guerra.

Sebastian Recupero

Il dolore è pensare - adesso che siamo ancora a cavallo tra due fasi storiche (quella dei nostri nonni e quella dei nostri nipoti) - che nonostante non ci siano più le comunità tradionali - ed è giustissimo non farne un dramma, ci mancherebbe altro davvero! -, siano labili pure i legami profondi che ci dovrebbero legare sentimentalmente con i luoghi della nostra memoria. Triste è che la forza dei sentimenti, custoditi nella memoria stassa, sia altrettanto labile. E triste... che i rapporti umani diventino di tipo consumistico.
Ma è questo un pensiero ancora troppo moderno; e, giustamente, si estinguerà.